होळी

                                होळी 

हिंदू संस्कृतीत सणांची काही कमतरता नाही. आपले विविध सण जितके आनंदी, उत्साही तितकेच अर्थपूर्णही. असाच वाईट गोष्टींची आहुती देण्याचा आणि रंगाचा सण तो म्हणजे होळी. शेवटचा मराठी महिना फाल्गुन आणि या महिन्यातील पौर्णिमेला येणारा सण म्हणजे 'होळी.'

                               

होळी हा हिंदू धर्माचा प्रमुख सण आहे. वसंत ऋतूचा महिना येताच त्याची प्रतीक्षा सुरू होते. होलिका दहन हा सण फाल्गुन शुक्ल पक्षाच्या पौर्णिमेच्या रात्री केला जाण्याची परंपरा आहे. दुसऱ्या दिवशी होळी साजरी केली जाते. हिंदू धर्मानुसार होलिका दहन हा सण वाईटावर विजय मिळवण्याचे प्रतीक मानले जाते. होळी हा सांस्कृतिक, पारंपारिक आणि धार्मिक सण आहे. या सणाचा उत्साह हा वेगवेगळ्या पद्धतीने देशभरात पाहायला मिळतो. होळी हा सण परस्पर प्रेम, बंधुभाव आणि सद्भावनेचा सण देखील मानला जातो. या दिवशी लोक एकमेकांना रंगात भिजवतात. घरोघरी गुढ्या आणि पदार्थ तयार केले जातात. या दिवशी लोक एकमेकांच्या घरी जाऊन रंग लावतात व तसेच होळीच्या शुभेच्छा देखील देतात. अशा परिस्थितीत यावर्षी होळीची नेमकी तारीख आणि शुभ मुहूर्त काय आहे जाणून घेऊयात…

 पौर्णिमा तारीख :
फाल्गुन पौर्णिमेला होलिका दहन आणि दुसऱ्या दिवशी होळी साजरी करण्याची पद्धत आहे. यावर्षी फाल्गुन पौर्णिमा तिथी 24 मार्च रोजी सकाळी 09:54 वाजता सुरू होईल. ही तारीख दुसऱ्या दिवशी म्हणजेच 25 मार्च रोजी दुपारी 12:29 वाजता संपेल.

होलिका दहन 2024 :
24 मार्च रोजी होलिका दहन आहे. या दिवशी होलिका दहनाचा शुभ मुहूर्त 11:13 ते 12:27 पर्यंत असल्याचे सांगितले जात आहे. अशा परिस्थितीत, तुम्हाला होलिका दहनासाठी एकूण 1 तास 14 मिनिटे वेळ आहे.

होळी 2024 कधी आहे? :

होलिकेच्या दुसऱ्या दिवशी होळी हा सण साजरा केला जातो. म्हणून यावर्षी होळी 25 मार्च रोजी साजरी होणार आहे. या दिवशी देशभरात मोठ्या थाटामाटात होळी हा सण साजरा केला जाणार आहे..

*होळीची कथा*

अशी आहे होळी सणाची आख्यायिका

जसे प्रत्येक सणाची कहाणी आहे तसेच, होळी साजरी करण्या मागे देखील एक प्राचीन इतिहास आहे. हिरण्यकश्यपू नावाचा एक राजा होता जो स्वतःला खूप बलवान समजायचा. स्वतःच्या अहंकारामुळे तो देवतांची घृणा करायचा तसेच त्याला देवांचा देव भगवान विष्णूचे नाव ऐकणे देखील पसंत नव्हते. परंतु त्याचा पुत्र प्रल्हाद हा भगवान विष्णू चा परम भक्त होता. आणि हे हिरण्यकश्यपूला अजिबात पसंत नव्हते. तो वेगवेगळ्या प्रकारे त्याला घाबरवण्याचा प्रयत्न करत असे जेणे करून पुत्र प्रह्लाद भगवान विष्णूची उपासना करणे सोडून देईल. परंतु भक्त प्रह्लाद त्यांना न डगमगता त्याच्या भगवान विष्णूच्या भक्तीत लीन होत असे. ह्या सगळ्याला कंटाळून राजाने एक योजना बनवली, आणि त्यानुसार आपली बहीण होलिका जिला वरदान मिळाले होते कि ती आगीवर विजय प्राप्त करू शकते तसेच कोणतीही आग तिला जाळू शकत नाही. राजाने होलिकेला भक्त प्रह्लादला घेऊन अग्नीच्या चितेवर बसण्यास सांगितले. प्रह्लाद आपल्या आत्यासोबत अग्नीच्या चितेवर बसला व भगवान विष्णूच्या नामस्मरणात लीन झाला आणि थोड्याच वेळात होलिका जळायला लागली आणि एक आकाशवाणी झाली आणि ज्यानुसार होलिकेला आठवलं की, तिला वरदानात असेही सांगितले होते कि ज्यावेळी ती तिच्या वरदानाचा दुरुपयोग करेल तेव्हा ती स्वतः जळून राख होईल. भक्त प्रह्लादाला अग्नी काहीही करू शकला नाही मात्र होलिका त्या अग्नीत जळून भस्म झाली. अशा प्रकारे त्या दिवशी लोकांनी उत्सव साजरा केला आणि तो दिवस होळी दहन म्हणून ओळखला जाऊ लागला. दुसऱ्या दिवशी रंगाने हा सण उत्सवात साजरा करू लागले.

होळीचा सण मोठा नाही आनंदाला तोटा.

होळीच्या दुसऱ्या दिवशी धुलीवंदन सण साजरा केला जातो. धुलीवंदनामुळे सर्व नागरिक एका ठिकाणी येतात. धुलीवंदनाच्या दिवसी एकमेकांना रंग लावला जातो. लहान लहान मुले पिचकारी मध्ये कलर भरून एकमेकांना रंगवून दिवसभर आनंद लुटतात.

मुलांचा होळी हा सर्वात आवडता सण आहे. होळी रे होळी पुरणाची पोळी म्हणत लहान लहान मुले जल्लोष साजरा करतात.

भारतीय शेतकरी होळीला विशेष महत्व देतात. होळीच्या निमित्ताने कृष्ण आणि बळीराम यांना आठवून त्यांचे पूजन मोठ्या आनंदात केले जाते. शेतात पिकलेल्या धान्याबाद्द्ल देवांचे आभार मानले जातात.

🌹रंग, उत्साह आणि खुशीत तुमचे जीवन भरावे, असा हार्दिक इच्छुक, रंगपंचमीच्या हार्दिक शुभेच्छा!🌹